TENNISNUUS - Rietbron-tennisklub se eersteliga-manstennisspan het Saterdag in Oudtshoorn in 'n spannende ligawedstryd in die toernooi van die Eden Senior Tennisverening vir Wesbank-tennisklub se A-span met 3 - 2 geklop.

Die besoekers het die twee enkelspel-wedstryde gewen toe Albert Eybers vir Zander Petzer met 6 - 2, 6 - 2 geklop het en Kurt Eybers vir Marcel Pertzer met 6 -1 , 6 - 3 verslaan het.

Wesbank het hierna twee dubbels gewen om die telling gelyk te maak.

Jacques de Beer en Josh Daniel het vir William Eybers en Tiaan Theron oortuigend met 6 - 0, 6 - 1 geklop terwyl De Beer en Zander Petzer in drie stelle met Albert Eybers en William Eybers afgereken het.

Die telling was 6 - 2, 2 - 6, 6 - 3.

In die beslissende dubbelspel van die dag het Kurt Eybers en Tiaan Theron die knoop vir Rietbron deurgehaak deur vir Marcel Petzer en Josh Daniel met 6 - 1, 6 - 2 te klop.

Daarenteen het Wesbank se tweedeliga-vrouespan 'n wegholoorwinning van 4 - 0 oor Beaufort-Wes behaal.

Volledige uitslae

• Rida Bester en Elmarie Lategan klop Valerie Goliath en Agatha van Staden 6 - 0, 6 - 1.
• Hanlé Cronjé en Trudene Forward klop Minjon de Vos en Tanique van Staden 6 - 1, 6 - 0.
• Rida Bester en Hanlé Cronje klop Agatha van Staden en Minjon De Vos 6 - 1, 6 - 1.
• Elmarie Lategan en Trudene Forward klop Valerie Goliath en Tanique van Staden 6 - 2, 6 - 2.

'Ons bring jou die nuutste Tuinroete, Hessequa, Karoo nuus'