HEIDELBERG NUUS - Heidelberg het Saterdag 3 Augustus behoorlik hul stempel afgedruk in hul Top-8-tuiswedstryd teen Progress van George en die voormalige kampioene met 34 - 0 afgeransel.
Heibi was rustyd met 17 - 0 rustyd voor.
Heibi het met dié oorwinning die bordjies verhang vir hul nederlaag in die eerste ronde wegwedstryd en met vyf pragdrieë 'n welverdiende bonuspunt verdien.
Marquit September, Heibi se voormalige provinsiale senter, het as impakspeler twee skitterdrieë gedruk.
Heibi se tweede en derde spanne het ook hul wedstryde met 38 - 7 en 19 - 8 onderskeidelik gewen.
‘Ons bring jou die nuutste Tuinroete, Hessequa, Karoo nuus’
