Update

RIVERSDAL NUUS - Albertinia Rangers se A-span het op Saterdag 21 Julie na 'n klipharde wedstryd teen Riversdal Blues op Riverville met 15-10 gewen.

Blues het hul 15de SWD Presidents-ligawedstryd teenoor Rangers se 13de wedstryd gespeel.

Die SWD-gekombineerde puntestand na Saterdag 21 Julie is soos volg: Riversdal Blues A-span 62 en Rangers A-span 58.

Rangers se toeskouers het in massas by Riverville-stadion opgedaag. Gedrag was goed en moet geloof word.

Clinton Daries, flank en Calwin Kortjé, kaptein en binnesenter het elk 'n drie gedruk. KeanenTarentaal, losskakel, het een drie verdoel en met een strafskop geslaag.

Vir die Blues het Austin Prins, heelagter, een drie gedruk. Chetwin Paulse, losskakel, het met een doelskop geslaag terwyl Wilbur Februarie, plaasvervanger, met een strafskop geslaag het.

Blues se B-span wat eerste op die SWD-gekombineerde puntestand is, het hul rieme styfgeloop met briljante hardlooprugby en verdediging deur Rangers se B-span en het gelykop gespeel met 10 punte elk.

Rangers se puntemakers was Conroy Saayman met een drie, Elroy Buis met een doel- en een strafskop. Riversdal Blues se enigste drie is deur Simon Hendricks gedruk.

Patrick Flink slaag met een doel- en een strafskop.

Lees 'n vorige artikel: Rangers spog met nuwe truie na wen

'Ons bring jou die nuutste Riversdal, Hessequa nuus'