STILBAAI NUUS - Winderige weerstoestande en 'n roete wat die geduld getoets het, het nie 170 fietsryers afgeskrik om die eerste Stilbaai Mountain Bike Race te voltooi nie.
Buiten die wind was dit 'n sonskyndag vol bedrywighede met inwoners en besoekers wat die geleentheid ondersteun het.
Glenda Joubert wat verantwoordelik was vir die reëlings, noem aan Suid-Kaap FORUM dat dit n uiters suksesvolle geleentheid was, maar ook 'n leerkurwe vir die volgende wedren. "Meeste ryers se terugvoer was positief en het Laerskool Bertie Barnard se teenwoordigheid bygedra tot die sukses van die dag. Ons wou mense na Stilbaai trek en was die doelwit bereik."
Die uitvoerende burgemeester van Hessequa, rdl Emor Nel was ook teenwoordig om te help met die prysuitdeling. Laerskool Bertie Barnard het ingekoop by die wedren en hul Beesloop en sportaktiwiteite vir die oggend laat saamsmelt met die sport gebeurtenis. Beide Simon Lloyd en die skoolhoof, Hein Swart het aan die koerant bevestig dat die dag 'n groot sukses was en dat dit 'n goeie besluit was om betrokke te raak in die plek van die Pampoenfees wat afgestel is.
85km mans: Jacques van Staden, Marshall Hendricks en Louis Goldberg.
85km dames: Rozanne Schreiber, Shirley Schmidt en Alida Viljoen.
40km mans: Louis Visser, Burger Bester en Francois Cloete.
40km dames: Marissa du Plessis, Venessa Hoek en Marelize Cilliers.
20km mans/seuns, vrouens en dogters: Gavin Kortje, Megan Arlou (o.16 dogters), Pieter Dirk Fourie (o.14 seuns), Lindie Meyer, O van Rensburg en Annemie du Plessis.
'Ons bring jou die nuutste Stilbaai, Hessequa nuus'
