SUID-KAAP NUUS - Die Suid-Kaap Senior Amateur Gholfvereniging (SKSAGV) het die afgelope naweek skoonskip gemaak in die jaarlikse vyfhoekige toernooi vir senior amateurs.
Die streke wat aan hierdie gewilde kompetisie deelneem, is die Suid-Kaap, Oostelike Provinsie (OP), Grens, Middellande en Karoo.
Die toernooi, wat oor twee dae plaasvind, is op onderskeidelik Kingswood-gholfklub (Saterdag) en George-gholfklub (Sondag) gespeel.
Die Suid-Kaap, met 'n totaal van 680 punte, het die toernooi gewen en in die proses byna 100 punte voor hulle naaste teenstanders, OP, geëindig. Die spelers van die besoekende streke het deur die bank aangedui dat hulle die naweek terdeë geniet het en nou meer gereeld George toe sal kom.
Die toernooidirekteur, Koos Sieberhagen het 'n beroep gedoen op spelers ouer as 50 jaar om aan te sluit by die vereniging sodat die Suid-Kaap Seniors van krag tot krag kan gaan. Jaarlikse aansluitings fooie beloop slegs R 250 en daar word op al die beste bane in die Suid-Kaap gespeel. Daar word ook gehoop dat meer sakeondernemings in die toekoms betrokke sal raak by die vereniging.
- Suid-Kaap - 680 punte
- OP - 586 punte
- Karoo - 563 punte
- Grens - 559 punte
- Middelande - 516 punte
Individuele wenners:
- Betterball Stableford, Saterdag - Joe Stoffels en Jean Wilson met 47 punte
- Individuele Stableford, Sondag : Martin Olivier met 40 punte
- B-span wenners, Suid-Kaap met 348 punte
- A-span wenners, Suid-Kaap met 332 punte
- Algehele toernooiwenners – Suid-Kaap met 680 punte.
toernooi. Vir meer besonderhede kontak Sieberhagen by 044 873 0149 of 083 269 7191.
Die Suid-Kaap senior A-span, agter van links: Jean Wilson, Johannes du Toit, Johan Smit en Pieter Swanepoel. Voor: Joe Stoffels, Greg Abrahams, Cecil Badenhorst (kaptein) en Kobus Heymann.
Die Suid-Kaap senior B-span agter van links: Janus Byles, Martin Olivier, Kobus Landman en Herman Pieterse. Voor: Derek Botes, Johan Smuts, Koos Sieberhagen (kaptein) en Ockie Horowitz. Foto's: Pieter Els
'Ons bring jou die nuutste Tuinroete, Klein-Karoo, Hessequa nuus'
