NASIONALE NUUS - ‘n Woeste skietgeveg het losgebreek toe ‘n geskatte 12 swaar gewapende rowers op ‘n boer en een van sy werknemers losgebrand het kort nadat hulle vanoggend ontbyt geeet het op die plaas Oostenwal.
Die aanvallers het volgens inligting bloot uit hul voertuig geklim en begin skiet na hul aankoms op die plaas.
Een rower is swaar gewond en die ander het in die veld in gevlug. Die gewonde aanvallers is per ambulans van die toneel verwyder.
Boere van heinde en verre het hulle na Laersdrift gehaas om te help soek na die verdagtes.
‘n Privaat helikopter het ondersteuning vanuit die lug gebied. ‘n Polisie helikopter het hom ‘n paar ure later by die soektog aangesluit.
