Die drie spanne; Alpha, Bravo en Charlie het hul kookvernuf op proef gestel en verras met 'n eenvoudige, dog treffende spyskaart. Geregte is deur gaste beoordeel wat vir die onderskeie geregte punte gegee het.
Die doel van die kompetisie is om die studente bloot te stel om 'n kosbegroting en spyskaart op te stel, asook die koste per porsie. Die beoordelaars het gefokus of voorbereiding, bediening, smaak en atmosfeer.
'n Ligte, smaaklike botterneutsop met tuisgebakte Ciabata is as voorgereg bedien. Jan Heenop (direkteur: iAla) het trots vertel dat die studente drie dae aan die brood gewerk en gebak het.
Die hoofgereg sou enige fynproewer tevrede stel: Sappige ontbeende hoender en spinasierol en 'Leg of Kudu' in 'n sappige sous en geroosterde groente. Die maaltyd is afgerond met malvapoeding.
Een van die disse wat voorberei is.
Van die gaste tydens die geleentheid.
Lees meer hieroor in Donderdag se Suid-Kaap Forum, asook aanlyn.
ARTIKEL EN FOTO'S: LOUISE MOUTON, SUID-KAAP FORUM-JOERNALIS
'Ons bring jou die nuutste Stilbaai, Hessequa nuus'
