RIVERSDAL NUUS - Voortrekkers van hier, asook George en Knysna het die afgelope naweek, vanaf Saterdag, 12 tot Sondag, 13 September gaan kamp.
Die groot groep Voortrekkers het uitgekamp by die Tolhuis in die Montagu pas buite George. Vele interessanthede oor die geskiedenis van die Tolhuis, die sweep wat as kommunikasiemiddel in die pas gebruik was, asook die ingenieursvernuf met die bou van die ossewa is geleer en gedemonstreer.
Die verkenners, onder leiding van Tielman Roos het ook vyf ure op die ou ossewaroete, Cradockpas gestap en beleef waar ossewaens met moeite oor die Outeniquaberge moes trek.
Natuurlik was daar saamgekuier om die vuur en hul het 'n nagmars in die pas beleef.
Die groep het ook die Vervoermuseum in George gaan besoek.
'Ons bring jou die nuutste Riversdal, Hessequa nuus'
