RIVERSDAL NUUS - Hoër landbouskool Oakdale het vandag weer gebruis van opwinding tydens dag drie van die Klein Karoo Saadproduksie Rugbyweek, met ’n reeks hoëgehalte-wedstryde wat skare op die punte van hul stoele gehou het.
Maandag op die De Eike-veld het Volkskool Graaff-Reinet met 22 - 19 teen Die Anker geseëvier in ’n naelbytstryd, terwyl Daniël Pienaar vir Marais Viljoen met 21 - 15 geklop het.
HS Upington het ook hul krag gewys met ’n oortuigende 38 - 20 oorwinning oor Hermanus, en Ellisras het die grootste telling van die dag aangeteken met ’n oorheersende 69 - 5 sege oor Goudveld.
Elders het Cardiff and Vale College vir Duineveld met 17 - 3 getroef, terwyl Brandwag ’n 19 - 31 nederlaag teen Swartland gely het.
Sentraal het Wagpos naelskraap met 15 - 17 geklop, en Charlie Hofmeyr het met 24 - 10 die oorhand teen Lichtenburg gekry.
Piet Retief en Potch Gim het in ’n taai stryd gelykop met 21 - 21 geëindig.
Op die Populierbos-veld het HS Oudtshoorn beïndruk met ’n 35 - 26 oorwinning oor Augsburg, terwyl Overberg met 29 - 14 teen Vryburg gewen het. Labori en Bredasdorp kon mekaar nie skei nie en het 24 - 24 gelykop gespeel.
Die gasheerspan, Oakdale XV, het hul ondersteuners trots gemaak met ’n 22 - 17 oorwinning oor Vredendal.
Montagu het egter uitgestaan met ’n sterk 38 - 19 sege oor Ooskus Gim, terwyl Robertson Brackenfell met 33 - 22 geklop het.
Op De Tuine-veld het Westering hul oorheersing gewys deur HS Langenhoven met 35 -14 te klop.
Met nog wedstryde wat voorlê, duur die opwinding by Oakdale voort en beloof die rugbyweek om verder skouspelagtige aksie te lewer.
Video: Ben Snyman
‘Ons bring jou die nuutste Tuinroete, Hessequa, Karoo nuus’
