Gallery
RIVERSDAL NUUS - Twee bakkies het om ongeveer 20:00 gisteraand, 8 April, teen mekaar gebots. Dit het op die N2 by die Slangrivier/Suurbraak-afdraai gebeur.
Die 48-jarige bestuurder van die Hilux bakkie is reeds uit Riversdal-hospitaal ontslaan na behandeling van ‘n ligte kopbesering. Hy was alleen in die voertuig.
Die bestuurder van die Isuzu-bakkie en sy vrou is na 'n privaat hospitaal vir behandeling oorgeplaas.
Die twee werkers wat saam met hulle was, is onderskeidelik na George-hospitaal oorgeplaas en die ander is na behandeling ontslaan.
Hulle is van Swellendam afkomstig.
Lees meer in Suid-Kaap Forum en aanlyn.
Foto's: Clive Pretorius
'Ons bring jou die nuutste Riversdal, Hessequa nuus'
