RIVERSDAL NUUS - Die Community Animal Rescue Society (Cars) gaan op 16 en 17 Junie ’n massasterilisasieprojek by die Riverville-stadion aanbied om die plaaslike troeteldierbevolking te help beheer en dierewelsyn in die gemeenskap te bevorder.
Die projek is spesifiek gemik op behoeftige inwoners, Sassa-pensioenarisse en werklose persone wat ’n minimum loon verdien.
Honde en katte kan tydens die veldtog gesteriliseer word om ongewenste werpsels te voorkom en die aantal rondloperdiere in die gebied te verminder.
Belangstellende troeteldiereienaars moet vooraf registreer deur hul naam, van, adres, besonderhede van die dier, asook die dier se naam en geslag te verskaf.
Volgens die organiseerders speel sterilisasie ’n belangrike rol in verantwoordelike troeteldiereienaarskap en dra dit by tot beter gesondheid en lewenskwaliteit vir diere.
Registrasies en navrae kan via WhatsApp by 082 962 1831 gedoen word.
Inwoners wat aan die vereistes voldoen, word aangemoedig om van hierdie geleentheid gebruik te maak om hul troeteldiere te laat steriliseer.
‘Ons bring jou die nuutste Tuinroete, Hessequa, Karoo nuus’
