STILBAAI NUUS - Een-en-dertig dapper mans en dames het Saterdagoggend 1 Maart 10 kilometer stroomop in die Goukourivier gespring en geswem dat die water spat tot by die eindpunt, Hulle by die See in Stilbaai.
Volgens Paddy Laroque wat dit gereël het was dit gladnie 'n resies nie, maar net 'n klomp enersdenkende swemmers wat dit vir die pret doen en swemmers kon self besluit teen watter pas en hoe ver hulle gaan swem.
Uiteindelik was Mike Semple van Sedgefield eerste by die eindpunt en net-net agter hom het Chané de Jager van Stilbaai klaargemaak in 'n pragtyd van 1 uur en 48 minute.
Paddy sê dat hulle verlede jaar nege Stilbaai swemmers gehad het en vanjaar het dit eenvoudig ontplof en hy glo dat hierdie 'n jaarlikse geleentheid sal raak met al hoe meer deelnemers.
‘Ons bring jou die nuutste Tuinroete, Hessequa, Karoo nuus’
