RIVERSDAL NUUS - Hoewel liefdadigheid en goeie dade nie tot 'n sekere tyd beperk behoort te word nie maar heeljaar beoefen moet word, bied Mandela Dag 'n ekstra geleentheid om dit te doen.
Suid-Kaap FORUM is jaarliks op verskeie maniere by hierdie dag betrokke en vanjaar het die personeel besluit om uit te reik na die hongeriges in die gemeenskap, maar veral minderbe-voorregtes wat selde 'n ordentlike ete kan geniet.
Hoewel dit Saterdag, 18 Julie Mandela Dag is, gaan ons vandag, Vrydag, 17 Julie ons bydrae lewer aangesien die weervoorspelling vir Saterdag nie gunstig is vir 'n braai nie.
Op die spyskaart is heerlike worsbroodjies, wat by ons perseel in Heidelbergweg 9 gebraai, voorberei en uitgedeel sal word.
Die worsbroodjies behoort teen middagete (ongeveer 12:30) gereed te wees en sal saam met musiek, verskaf deur Jaco Snyman, opgedis word.
- JC Slaghuis vir 100 stukkies wors
- OK Riversdal vir 120 broodrolletjies
- Riversdal Superspar vir 120 broodrolletjies
- Stilbaai Slaghuis vir 100 stukkies wors
- Vleispaleis vir 30 stukkies wors.
Ons dank gaan ook aan Nibbling Squirrel vir die gebruik van hul sambrele, asook Droom vir hul bydrae.
'Ons bring jou die nuutste Riversdal, Hessequa nuus'
