HESSEQUA NUUS - Daar is vier weke geleentheid om kommentaar te lewer op die voorgestelde wysigings in die Padverkeerswet wat Maandag, 11 Mei in die Staatskoerant gepubliseer is.
Belanghebbendes, hoofstroom media en radiostasies gons die hele week oor die nuwe wysigings.
- 40km/h in stedelike gebiede.
- Motoriste wat rybewyse wil hernu kan aan lukrake praktiese toetse deur toetsbeamptes onderwerp word.
- Beperking van 80km/h vir enige pad buite stedelike gebiede, behalwe op snelweë.
- 'n Beperking van 120km/h sal steeds op snelweë geld, maar dit sal verminder waar die snelweg deur 'n woongebied loop.
Verdere beoogde regulasies sluit in om dit onwettig te verklaar om skoolkinders agterin die bagasie-deel van 'n voertuig te vervoer, soos agterop 'n bakkie. Swaarvoertuie van meer as 'n ton mag ook nie tydens spitstye, tussen 06:00 en 09:00 en weer tussen 17:00 en 20:00, in beboude gebiede op 'n openbare pad ry nie.
Suid-Kaap FORUM het navraag gerig hieroor by Hessequa Munisipaliteit om vas te stel hoe, indien wel die voorgestelde regulasies plaaslike motoriste raak.
Volgens Marina Griesel (hoof: korporatiewe dienste) bestudeer die munisipaliteit tans die inhoud van die voorgestelde regulasies bestudeer en gaan ook 'n werkswinkel hieroor bywoon waarna kommentaar gelewer sal kan word.
Kommentaar kan gestuur word na die Departement van Vervoer, vir aandag John Motsatsing by motsatsj@dot.gov.za of per faks na 012309 3962 of per pos na Privaatsak 193, Pretoria 0001 of na Phillip Magagane by e-pos magaganp@dot.gov.za.
There is four weeks to comment on the proposed amendments on the Road Traffic Law which was published in the Government Gazette of Monday, 11 May. Some of the proposed amendments include: 40km/ph in city areas, 80km/ph for any area outside city areas, except on national roads. The amendment also stipulates that it should be illegal to transport children on the back of an open vehicle. Heavy vehicles larger than a ton must also be prohibited from driving in build up areas between 06:00 and 09:00 and also between 17:00 and 20:00. Hessequa Municipality is in the process of studying the proposed amendments before any comment can be issued on the matter.
ARTIKEL: LOUISE MOUTON, SUID-KAAP FORUM JOERNALIS.
'We bring you the latest Hessequa nuus'
