HESSEQUA NUUS - Elke dorp het 'n storie - en elke dorp het 'n ster...
Showville is 'n opwindende nuwe televisie talentkompetisie, gebaseer op die konsep om wonderlike, prettige en interessante talent in die land se kleiner dorpies te ontdek.
Riversdal en Albertinia is onder 14 dorpies in die Wes-Kaap wat besoek sal word vir oudisies met plaaslike kunstenaars.
Die doel is nie om kunstenaars bespotlik te maak nie, maar om vier toneelstukke deur 'n oop oudisieproses te vind wat deur professionele afrigters oor 'n dag of twee gementor sal word. Daar sal met finaliste gesels word oor hul lewens, hul kleindorpie-stories en hul drome.
Die reeks sal ook die finaliste volg terwyl hulle hul afrond vir die grand finale - 'n fenomenale verhoogstuk waar die hele dorp kan stem en die wenner in elke dorp stap weg met R10 000. Dit sal op SABC 2 vanaf 7 November vanjaar gebeeldsend word.
Bontle Modiselle.
Wie kwalifiseer vir 'n oudisie?
Die organiseerders is op soek na ongewone, prettige vertonings; van narre en komediante tot belly dancing gimnaste en selfs sangers en dansers. Let egter op die volgende reëls:
- Slegs persone van 16 jaar en ouer;
- Slegs Suid-Afrikaners of persone met SA permanente verblyf;
- Optredes moet bestaan uit een en maksimum drie persone;
- Deelnemers mag nie klere met brand names na oudisies en daaropvolgende optredes dra nie;
- Oudisies is 90 sekondes elk;
- Sangers en dansers moet twee stukke voorberei, hoewel slegs een vir die oudisie gedoen sal word. Die rede hiervoor is dat 'n gekose musiekstuk dalk nie onder hul uitsaai lisensie-ooreenkoms val nie;
- Sangers kan nie gebruik maak van vooraf opgeneemde musiek (backing track) nie, tensy jy of 'n lid van jou groep 'n instrument self bespeel.
Oudisies begin om 14:00 en sluit om 17:30. Registrasie vir oudisies begin om 13:30 en sluit om 17:00. Almal wat oudisies doen moet beskikbaar wees om die finale keuring om 18:00 op dieselfde dag by te woon. Vier finaliste sal hieruit gekies word.
Finaliste moet ook beskikbaar wees vir die volgende twee dae vir afrigtingsessies en om verfilmingsessies by te woon. Bontle Modiselle, bekroonde danser en uitstaande choreograaf, asook Rob van Vuuren, bekroonde komediant, danser en akteur sal die afrigting en oudisies behartig.
Albertinia word op 20 Augustus besoek en Riversdal op 24 Augustus. Die plekke waar oudisies gehou sal word, moet nog bevestig word.
'Ons bring jou die nuutste Hessequa nuus'
