Nuwe raadslid vir DA

HESSEQUA NUUS - Die munisipaliteit het Maandag, 31 Augustus die nuwe proporsionele raadslid op die Hessequa Raad aangekondig.

Margaret Jakobs van Aloeridgde sal Richard Johannes se stoel inneem in die raad. Johannes het bedank nadat 'n storm ontketen is nadat hy na bewering sy saamleefmaat, Marcelle Buis aangerand het. Hy het kort nadat die nuus bekend geraak het, sy bedanking ingedien.

Jakobs sal tydens die eerste moontlike raadsvergadering ingehuldig word. Die saak is intussen die afgelope week teruggetrek teen Johannes, maar bly sy bedanking van krag.

Jakobs is 'n tuisteskepper, ma van vyf kinders en ouma van drie kleinkinders. Sy is bekend in haar gemeenskap en sien uit na die uitdaging.

Sy het met besoek van Suid-Kaap FORUM genoem dat sy haar volle gewig gaan ingooi om haar skoene vol te staan as raadslid. "Inwoners is welkom om my te kontak."

Klik hier vir verwante artikels: