STILBAAI NUUSFLITS & VIDEO - Stasie 31, die plaaslike NSRI op die dorp spog deesdae met 10 kinders tussen die ouderdomme van sewe tot 12 wat deel uitmaak van die organisasie se NSRI Junior Academy.
Rico Menezies (stasiebevelvoerder) het die groepie onder sy bekwame leiding geneem en is tans in die proses om hul touwys te maak in alles wat belangrik is by seeredding.
"Ons leer hulle wat die ouer juniors leer, net op 'n stadiger en kleiner skaal en natuurlik oor 'n langer periode," verduidelik Menezies. Hy komibineer teorie en praktyk in die leersame sessies.
Die doel en voordeel van dié program om junior bemanning op te lei (onder 16-jaar) is om toe te sien dat daar altyd 'n volgende generasie NSRI-vrywilligers is, asook om hulle toe te rus met noodsaaklike lewensvaardighede.
Dit sluit in waterveiligheid, basiese maritieme opleiding, spanwerk en leierskap. Suid-Kaap Forum het Donderdagmiddag 17 Maart saam met hulle spandeer.
Kyk na 'n video hier onder:
Van die kinders wat aan die program deelgeneem net.
Lees meer in volgende week se Suid-Kaap FORUM, asook aanlyn.
'Ons bring jou die nuutste Stilbaai, Hessequa nuus'
