SWELLENDAM NUUS - Die Coronation Double Century fietswedren vind Saterdag 26 November plaas en lok meer as 3 000 deelnemers.
Die wedren begin en eindig op dié dorp en ander dorpe wat deur die byeenkoms beïnvloed sal word, is Bonnievale, Robertson, Ashton, Montagu, Barrydale en Suurbraak.
Ten einde die veiligheid van beide deelnemers en die publiek te verseker, sal die verkeer op verskeie openbare paaie beheer word.
Die Swellendam Munisipaliteit en Provinsiale Departement van Paaie en Openbare Werke het dus die volgende padsluitings gedurende die byeenkoms goedgekeur:
• Somersetstraat, Swellendam: 04:00 tot 07:30.
• R324 - Tradouwpas: 06:00 tot 09:00.
• R62 Cogmanskloofpas: 08:15 tot 12:00.
• Van Riebeekstraat, Montagu: 08:00 tot 11:30.
• Van Eedenstraat, Swellendam: 11:00 tot 17:00.
• Murray- en Stasiestrate, weerskante van die Swellendam Skougronde: 04:00 tot 16:30.
• R317 (vanaf Rooibrug tot Bonnievale Kelder): 10:00 tot 14:30.
• Zandvlietstraat, Ashton: 08:30 tot 12:30.
Die organiseerders vra motoriste se samewerking en geduld gedurende die kort vertragings wat moontlik gedurende hierdie tye ervaar mag word.
Vir verdere inligting skakel 087 820 7223 (vir navrae voor die wedren) of by 028 514 1621/22 (op wedrendag alleenlik) of besoek www.coronationdc.co.za
'Ons bring jou die nuutste Swellendam, Hessequa nuus'
