STILBAAI 'n Inwoner het Woensdagoggend, 13 Mei 'n noue ontkoming gehad toe sy vir 'n fietsryer moes uitswaai en teen 'n bus gebots het.
Jennifer October vertel dat sy tussen 06:30 en 06:44 onderweg was na Stilbaai toe sy 'n voertuig naby Julie-se-Baai verbygesteek en die voertuigligte op 'n fietsryer voor haar in die pad geval het. Sy het uitgeswaai en sylangs teen 'n aankomende bus gebots.
"Ek is bitter kwaad, want ek sit nou met duisende rand se skade omdat die fietsryer nie sigbaar was nie. Sy voel dat fietsryers wat vroeg en laat in die namiddag die pad gebruik, moet seker maak dat hulle, asook hul fietse sigbaar is. Die botsing is aangemeld by Stilbaai Polisie.
- Sorg dat jou fiets in 'n goeie en padwaardige toestand is.
- Jou fiets moet 'n fietsklokkie hê.
- Wanneer jy in die skemer of donker ry, moet jou fiets 'n helder lig hê.
- Dra altyd 'n valhelm. Dit beskerm jou kop (en brein) wanneer jy val of in 'n ongeluk betrokke is en kan so jou lewe red.
- Ry sover dit moontlik is uitsluitlik op fietspaaie.
- Beplan jou fietsroete en kies die veiligste roete en nie noodwendig die kortste een nie.
- Moet nooit langs iemand ry nie, maar ry agter mekaar.
- Gee duidelike en korrekte handtekens wanneer jy gaan draai.
- Moet nooit fietstoertjies uithaal wanneer daar verkeer op die pad is nie.
A resident had a narrow escape when in trying avoiding a cyclist and swiped a bus. The accident happened Wednesday morning, 13 Mei between 06:30 and 06:44 near Julie-se-baai, while she was on her way to work in Stilbaai.
Cyclists are urged ensure they are visible at all times.
ARTIKEL EN FOTO: LOUISE MOUTON, SUID-KAAP FORUM JOERNALIS.
'Ons bring jou die nuutste Stilbaai, Hessequa nuus'
