GARDEN ROUTE NUUS - Die Miles for Mia-veldtog is 'n fietsry inisiatief vanaf Durbanville na George en is daarop gerig om geld vir Mia Lotz se kogleêre inplantings in te samel.
Rudolph Maree, Reghardt van Rensburg en Hannes van der Merwe gaan op Sondag 30 September die tog aanpak, drie dae na haar tweede verjaardag en sal op 6 Oktober eindig.
Die doel is om die geweldige finansiële druk op haar ouers te help verlig gedurende hierdie uiters emosioneel-uitdagende tyd in hul lewens.
Die roete is as volg
- Dag 1 (Sondag 30 September) - Durbanville tot Greyton, afstand 106 km, 1 000 m hoogte klim;
- Dag 2 (Maandag 1 Oktober) - Greyton tot Swellendam, afstand 110 km, 1 200 m hoogte klim;
- Dag 3 (Dinsdag 2 Oktober) - Swellendam tot Riversdal, afstand 90 km, 1 000 m hoogte klim;
- Dag 4 (Woensdag 3 Oktober) - Riversdal tot Calitzdorp, afstand 114 km, 1 800 m hoogte klim;
- Dag 5 (Donderdag 4 Oktober) - Calitzdorp tot Oudtshoorn, afstand 76 km, 1 400 m hoogte klim;
- Dag 6 (Vrydag 5 Oktober) - Oudtshoorn tot George, afstand 82 km, 1 400 m hoogte klim.
Dit beloop 'n totale afstand van 578 km en amper 8 000 m se opdraand. Mia se pad om weer te kan hoor is 'n baie langer en steiler bult om te oorkom. Enige klein donasie kan help om 'n reuseverskil te maak.
Klik hier vir meer inligting.
'Ons bring jou die nuutste George, Tuinroete nuus'
