STILBAAI NUUSFLITS - Verskeie opwindende aktiwiteite by Laerskool Bertie Barnard het Vrydagmiddag 26 Februarie vir 'n heerlike gees gesorg.
Verskillende sokkerspanne het teen mekaar deelgeneem in vriendelike wedstryde en ten spyte van die reën het entoesiastiese kinders hulle beste gegee.
‘n Totaal van 15 spanne het vyf-minuut wedstryde gespeel met Phillip Munro en Simon Lloyd as skeidsregters. In die skoolsaal het ‘n hele paar leerders meegeding vir die titel van Mnr en Mej Beesloop Senior en Junior.
Die spannetjie het baie moeite gedoen met hul uitrustings en het pragtig gelyk in hul 'Cowboy' uitrustings.
Tydens die aand se Buitelug Bioskoop was daar heerlik gesmul aan burgers en skyfies. Die flukse ouers het ywerig gewerk by spookasem-, springmielies-,roomys- en warm sjokoladestalletjies, asook ‘n snoepie wat die magies volgehou het terwyl die rolprent 'Minions' onder komberse en kampstoele op die skool se tennisbaan gekyk is.
‘n Totaal van 15 spanne het vyf-minuut wedstryde gespeel.
Nog Laerskool Bertie Barnard-nuus:
Lees meer in Donderdag se Suid-Kaap FORUM, asook aanlyn.
'Ons bring jou die nuutste Stilbaai, Hessequa nuus'
