ALBERTINIA NUUS - Hessequa het sy domino-wisseltrofee behou toe hy die afgelope naweek by 'n groot streektoernooi met al sy teenstanders afgereken het.
In sy eerste kragmeting het Hessequa vir Boland met 136 - 100 geklop. Hessequa het aanvanklik gesukkel om aan die gang te kom, maar Freek Adams, bestuurder, het die sweep geklap en sy span aangespoor om hul konsentrasie op te knap.
Spelers soos Eric Sebybo, Ammy Abrahams, Dean Hopp, Handré Hartnick, Peter September en Adam Baadjies het oorgeneem en Hessequa tot 'n oorwinning aangevoer.
Daarna het Hessequa met Eden afgereken met 148 - 112. Adam Baatjies was weer eens uitstekend en hy is goed ondersteun deur Jan Hartnick, Jolene Hartnick, Johannes Carelse, Juan Saayman, Deon Abrahams, Koos Saayman en Sheila Adams.
'Ons bring jou die nuutste Albertinia, Hessequa nuus'
