HESSEQUA NUUSFLITS - Die ses finaliste van die Garden Route Karaoke is Saterdagaand 6 Augustus by die Thusong Sentrum op Riversdal aangewys.
Hulle is, in geen spesifike orde nie, Dalena Hansen, Rezaan Michaels, Jade Tarentaal, Adeline Marias, Beth Paine en Denice Marais.
Finaliste van regoor die Eden-distrik het aan dié prestige kompetisie deelgeneem.
Die finaliste gaan aan die Suid-Afrikaanse Karaoke deelneem wat op 3 November vanjaar plaasvind.
Dawid September van South Africa Karaoke Championship (SAKC) het Suid-Kaap Forum meegedeel dat nog 30 uitdunne oor Suid-Afrika tot die einde van Oktober gaan plaasvind en dat die moontlikheid ondersoek word om die finaal op Mosselbaai aan te bied.
Die persoon wat op 3 November aangewys word as Suid-Afrika se Karaoke Kampioen sal Suid-Afrika by die World Karaoke Championships verteenwoordig wat later vanjaar plaasvind en sal ook wegstap met ’n groot kontantbedrag.
Lees meer hieroor in Donderdag se Suid-Kaap Forum, asook aanlyn.
'Ons bring jou die nuutste Riversdal, Hessequa nuus'
