Sponsored Content
SAKENUUS - Min ondernemings kry die voorreg om langer as 'n eeu deel van 'n gemeenskap se verhaal te wees. Hofmeyr en Seun vier vanjaar met trots 106 jaar van diens aan Riversdal, die Hessequa-omgewing en geslagte families wat hul vertroue in die firma geplaas het.
Die verhaal het in 1920 begin toe Servaas Alexander Hofmeyr sy regspraktyk op Riversdal gevestig het. Sedertdien het die firma saam met die dorp gegroei en 'n besonderse plek in die gemeenskap ingeneem.
Deur die jare het Hofmeyr en Seun regsadvies gelewer en kliënte bygestaan met onder meer eiendomsoordragte, boedelbereddering, testamente en ander regsake.
Hoewel die firma oor die jare verander en aangepas het, het sy kernwaardes - integriteit, persoonlike diens en professionele kundigheid - onveranderd gebly.
In 2021 het 'n nuwe era aangebreek toe Francois Hofmeyr en Tielman Roos ná jare se toegewyde diens afgetree het.
Wynand en Retha Janse van Rensburg het die leisels oorgeneem en is vandag die trotse eienaars van Hofmeyr en Seun. Hulle bou voort op die grondslag wat oor meer as 'n eeu gelê is, met nuwe energie en 'n moderne visie vir die toekoms.
Nog 'n mylpaal is in April 2025 bereik toe die firma, ná baie dekades in Robertsonstraat 6, na Langstraat 17, Riversdal, verhuis het.
Hier ontvang kliënte steeds dieselfde vriendelike en persoonlike diens waarvoor Hofmeyr en Seun bekend is.
Met die viering van 106 jaar van diens aan Riversdal se inwoners bedank die firma elke kliënt vir hul jare lange vertroue, lojaliteit en ondersteuning.
Vertroue kan nie gekoop, geërf of geadverteer word nie - dit moet verdien word. En soms neem dit geslagte.
Hofmeyr en Seun sien daarna uit om saam met die gemeenskap die volgende hoofstuk te skryf - en nóg baie jare van vertroue, diens en regskennis te vier.
Beginjare (links): Servaas Alexander Hofmeyr (1873 - 1957), wat in 1920 sy regspraktyk op Riversdal gevestig het en daarmee die grondslag gelê het vir die firma wat vandag as Hofmeyr en Seun bekend staan. 'n Ryke nalatenskap (regs): Jan Hendrik Hofmeyr (1911 - 1999), deel van die Hofmeyr-familie se geskiedenis en die nalatenskap waarop Hofmeyr en Seun oor die dekades voortgebou het.
'n Bekende baken: Hofmeyr en Seun se voormalige kantoor by Robertsonstraat 6, Riversdal, waar die firma vir baie dekades gevestig was voordat hulle in April 2025 na Langstraat 17 verhuis het.
'n Nuwe hoofstuk: Hofmeyr & Seun se nuwe perseel in Langstraat 17, Riversdal, waar die firma sedert April 2025 voortbou op 106 jaar van vertroue, diens en regskennis.
‘Ons bring jou die nuutste Tuinroete, Hessequa, Karoo nuus’
