RIVERSDAL NUUSFLITS - Andrew Jacobs het die trofee ontvang as Sportman van die Jaar tydens Riversdal Blues se jaarlikse diplomaplegtigheid Saterdagaand 24 September in die bugersentrum.
Die aand is deur een van die spelers, Nikki Sedi met gebed geopen, waarna Dannie Baron (voorsitter) die verwelkoming gedoen en sy toespraak gelewer het. Hy het ook al hul borge en ondersteuners bedank.
Past Gertse was die gasspreker. Die aand is afgesluit deur Denwill Johnson (hoofafrigter) wat die spelers bedank het vir hul harde werk en opoffering deur die jaar. Na afloop van die formaliteite is 'n ete bedien en saamgekuier.
A-span: Beste speler en beste voorspeler - Mattlan-Jo Fielies; beste agterspeler - Tesswill Tarentaal. B-span: Beste speler - Deon van Eeden; beste agterspeler - Evan Pietersen; beste voorspeler - Jason Jacobs. Die B-span is ook as Beste span van die Jaar aangewys en het 'n tjek ontvang.
Lees meer oor wie nog toekennings ontvang het in Donderdag se Suid-Kaap Forum, asook aanlyn.
ARTIKEL EN FOTO'S: HEINRICH FORTUIN, SUID-KAAP FORUM-KORRESPONDENT
'Ons bring jou die nuutste Riversdal, Hessequa nuus'
