MELKHOUTFONTEIN NUUS - Seagulls het Saterdag met 'n goeie, maar onoortuigende vertoning op sy tuisveld, gesorg dat hy Thistles van Friemersheim met 31 - 5 in hul SWD Superliga B-ligawedstryd geklop het.
Die tuisspan was rustyd gemaklik met 24 - 0 voor.
In die eerste ronde het Seagulls naelskraap met 15 - 11 koning gekraai en 'n duidelike boodskap uitgestuur dat hy op pad is na die uitspeelrondes.
Seagulls sal Saterdag meer doelgerig en gefokus moet wees wanneer hy die gedugte Prins Albert op sy tuisveld aanpak.
Vir Seagulls het Hyron October (flank) twee drieë gedruk, terwyl Nathan Buis (senter) en Jonathan Lombaard (linkervleuel) elk een drie gaan druk het. Wilhelm Sollmans (heelagter) het al vier drieë verdoel en ook met een strafskop geslaag.
Seagulls se tweedes het ook gemaklik met 24 - 7 geseëvier nadat hulle rustyd met 17 - 0 voor was. Hulle het ook 'n bonuspunt met hul vier drieë ingepalm.
Vir Seagulls het Devon Kleinhans (senter), Donovan Verwey (linkervleuel), Morné Sefoor (agsteman) en Kelvin Michaels (slot) elkeen 'n drie behaal. Delano Jacobs (heelagter) was met twee doelskoppe suksesvol.
'Ons bring jou die nuutste Tuinroete, Hessequa, Karoo nuus'
