HESSEQUA SPORTNUUS - Black Balls-potspelklub van Albertinia het Sondag, 23 Mei in 'n wegwedstryd net-net met 19-17 teen Good Fellas van Riversdal gewen.
Die C-span het hulle wedstryd teen hule eweknie gemaklik met 8-4 gewen.
Die B-span het dit verder gevat en hulle wedstryd met 7-5 klaargemaak, maar vir die A-span was dit nie 'n goeie dag nie. Hulle verloor met 8-4 teen Good Fellas se A-span.
In 'n ander wedstryd het Down Town ook weg gespeel teen Head Liners van Slangrivier en met 19-17 verloor.
Die jong span van Albertinia, V-Dub het met Black Balls in 'n vorige wedstryd met 19-17 afgereken. Hulle het Sondag weer gemaklik met Ball Breakers klaargespeel met 'n telling van 21-15.
'Ons bring jou die nuutste Hessequa nuus'
