STILBAAI NUUS - Inwoners woonagtig op Droëvlakte is moedeloos omdat daar skynbaar persone is wat die spesiale vullisdrom misbruik.
Hessequa Munisipaliteit het in Mei 2014 die vullisdrom aangebring vir die uitsluitlike gebruik van boere en inwoners van die gebied. 'n Boer wat anoniem wil bly, was in gesprek met Suid-Kaap FORUM nadat twee beeste na bewering gevrek het moontlik weens vullis wat hulle ingekry het.
Volgens die boer word vullis deur mense wat nie op Droëvlakte woon nie gebruik, wat beteken dit loop by tye oor. Die vullis word dan rondgewaai deur die wind.
'n Klag is glo ingedien hieroor by die tegniese bestuurder van Hessequa, Reggie Wesso wat na bewering aangedring het op 'n veearts verslag. Dit is onaanvaarbaar vir die betrokke boer wat nou skade gelei het weens die vrektes.
'n Kennisgewing wat deur die boer aangebring is, is ook verwyder. Navraag is gerig by Hessequa munisipaliteit hieroor. In kommentaar noem Susan Geldenhuys (mediabeampte) dat Wesso geen kennis dra van so 'n klagte nie.
“Tegniese personeel van Stilbaai het reeds teen 16 Januarie alle bourommel en vullis verwyder by die munisipale vullishouer op Droëvlakte. Personeel het die perseel skoongemaak en ontsmet.
"Die vullisdromme is grootskaals gebruik deur die vakansiegangers oor die feesseisoen, maar word die gemeenskap aangespoor om enige onwettige storting van vullis aan te meld by die Hessequa wetstoepassers. Die aanbring van ‘n nuwe kennisgewingbord sal ondersoek word.”
*IN SHORT
Since May 2014 Hessequa Municipality supplied a new facility for garbage bags for the use of farmers and residents within the vicinity of Highway Route 332. A complaint was received of residents not living here making use of the facility. Take note that the facility is only for the use of mentioned residents. Any illegal activity should be reported to Hessequa law enforcement.
*IN SHORT
Since May 2014 Hessequa Municipality supplied a new facility for garbage bags for the use of farmers and residents within the vicinity of Highway Route 332. A complaint was received of residents not living here making use of the facility. Take note that the facility is only for the use of mentioned residents. Any illegal activity should be reported to Hessequa law enforcement.
'Ons bring jou die nuutste Stilbaai, Hessequa nuus'
