RIVERSDAL NUUSFLITS - Die pasgebore baba wat verlede jaar op 9 Augustus met 'n kous verwurg is, sal eersdaags begrawe word.
Die seuntjie se lykie was deur 'n inwoner ontdek waar dit in die bosse versteek was digby die treinspoor in Riverville.
Hy was in 'n baadjie toegedraai en in 'n geel inkopiesak gesit. Jaco Pretorius van die Forensiese Patologiese Dienste het Vrydag, 6 Februarie aan Suid-Kaap FORUM gesê dat die seuntjie se DNA na die forensiese laboratorium versend is sodat dit steeds moontlik sal wees om die biologiese moeder te kan identifiseer.
Die ondersoekbeampte, sp sers Johan Steyn, het bevestig dat hy die DNA-verslag ontvang het en dat die moorddosier oop sal bly tot die skuldige vasgetrek is. S
kakel hom by 028 713 8500 vir enige inligting wat lig op die saak kan werp.
Lees meer in Donderdag se Suid-Kaap FORUM, asook aanlyn.
'Ons bring jou die nuutste Riversdal, Hessequa nuus'
