STILBAAI NUUS - Daar is niks mooier as twee mense wat ná 68 jaar van getroude lewe mekaar nog steeds lief het en respekteer nie.
Die Kleinhans-egpaar van Stilbaai, Hans (89) en Suzie (84), het Vrydag 15 Desember hul 68ste huweliksherdenking saam met familie en geliefdes gevier.
Hulle is uiteindelik op 15 Desember 1955 getroud. Nege maande later is hul oudste dogter, Erika, gebore waarna nog twee dogters, Sanet en Martie, en ‘n seun, Evert, volg.
Op 60-jarige ouderdom het hulle afgetree en tans bly op hul eie stukkie grond op Riethuiskraal waar hy sy vrou met tere liefde versorg.
‘Ons bring jou die nuutste Tuinroete, Hessequa, Karoo nuus’
