HEIDELBERG NUUS - Honderde roubeklaers van heinde en ver, onder wie verskeie bekendes in veral die teater- en kunstewêreld, het Saterdag 16 Desember opgedaag om hul laaste eer aan een van die dorp se mees bekendste inwoners, Jefferson Davids (67), te betoon.
Christo Davids, bekende sepiester, regisseur en seun van Jefferson, en van sy mede-akteurs, Maurice Paige, Theodore Jantjies, Lee-Ann van Rooyen, Ricardo Arendse, self 'n befaamde skrywer, asook Quinton Adams, alombekend as die Shackbuilder, het die begrafnisdiens in die St. Barnabas Anglikaanse Kerk bygewoon.
Familelede en vriende het van so ver as Kaapstad, Laaiplek en ook uit Gauteng gekom om hul laaste eer te kom betoon.
Die begrafnisdiens is deur vader Chassley Fredericks waargeneem. Christo het hulde aan sy pa gebring en vele staaltjies van sy pa met die begrafnisgangers gedeel. Goliath "Junior," een van Davids se vyf seuns, het die bedankings gedoen.
‘Ons bring jou die nuutste Tuinroete, Hessequa, Karoo nuus’
