STILBAAI NUUS - Die Brugmark speel 'n sleutelrol vir informele entrepreneurs om vroeë fase sakevaardighede te ontwikkel, produkte te toets en inkomste te verdien binne 'n goed georganiseerde omgewing.
In 2024/25 het meer as 60 handelaars gereeld van die fasiliteit gebruik gemaak, gedryf deur volgehoue kliëntesteun, finansiële volhoubaarheid en vertroue in die Besigheidsforum se bestuur.
Die voortdurende infrastruktuur verbeterings het sigbare waarde toegevoeg en die oprigting van 36 afdakstalletjies asook opgradering van sekuriteitsmaatreëls het 'n meer professionele en toeganklike handelsomgewing geskep.
Dit het bygedra tot verhoogde voetverkeer en groter vertroue onder beide entrepreneurs en besoekers.
Hierdie inligting is vervat in die Besigheidsforum se waarde-oorsig vir plaaslike besighede dokument.
‘Ons bring jou die nuutste Tuinroete, Hessequa, Karoo nuus’
