ALBERTINIA NUUS - Die sertifikaat van die Guinness World Records wat amptelik bevestig dat die dorp die grootste handgebreide trui in die wêreld gebrei het, is Dinsdag, 29 September aan Nina Matther, projekleier, oorhandig tydens 'n spoggeleentheid by die Garden Route Game Lodge.
Jeff Gibson, voorsitter: Albertinia Toerisme het die sertifikaat oorhandig en almal wat betrokke was en gehelp het daarmee, bedank. Hy het rdl Emor Nel, uitvoerende burgemeester se gelukwensing oorgedra en haar verskoning oorgedra dat sy weens ander verpligtinge nie die geleentheid kon bywoon nie.
Die trui is op 13 Desember verlede jaar amptelik opgemeet in Albertinia Stadsaal en al die foto's, videos en bywoningbewyse is na die kantoor van die Guinness World Records in Londen gestuur.
Op 25 Augustus is dit amptelik op die webwerf van Guinness World Records bekendgemaak dat die trui dié gesogte toekenning verwerf het as grootste handgebreide trui in die wêreld. Op 23 September is die amptelike sertifikaat ontvang.
Albertinia spog nou nie slegs met twee sportlui (Elana Meyer en Louis Oosthuizen) as wêreldkampioene en afkomstig van die dorp, maar ook 22 wêreldkampioen- dames wat aan die trei help brei en bewys het 'n persoon kan nooit te oud, jonk of blind wees om 'n droom na te streef en sukses te behaal nie.
Die dames wat die trui gebrei het.
Klik hier vir vorige artikels:
- Wêreldrekord-sertifikaat word oorhandig
- Amptelik die wêreld se grootste handgebreide trui
- Die wêreld se grootste handgebreide trui
- Wêreldrekordtrui by nuwe sportstadion
- Opvolg: Trui na Londen vir wêreldrekord
ARTIKEL EN FOTO'S: THERESIA VAN RENSBURG, SUID-KAAP FORUM KORRESPONDENT
'Ons bring jou die nuutste Albertinia, Hessequa nuus'
