STILBAAI NUUS - Vier plaaslike vrouens het besluit om 'n verskil te maak in hul omgewing en het hul eerste tafeldoek die lig gesien.
Hierna het verskillende dames van-uit die omgewing elke Donderdag op 'n deurlopende basis bymekaargekom en naaldwerk gedoen onder leiding van Liesel Kasselman. Elkeen het hul eie laslappie naalwerksakke gemaak - geskenke vir die mense van die omgewing.
Die groep het besluit om 'n groot projek aan te pak ten bate van hul kerkgroepie wat weekliks bymekaarkom. Die oorskietlappies is geskenk deur mense uit die omgewing.
Tans word dié koningsgrootte laslappiekombers uitgeloot teen R10 per lootjie en sal Donderdag, 21 Mei uitgestal word by Stilbaai Interiors waar die dames ook sal by wees. Elise Perold het die dames genooi vir 'n koppie tee en om haar winkel te besigtig. Hulle gaan ook leer om met laslappies te hekel vir hul nuwe projek.
Theuns Cloete het die volgende gedig geskryf as inspirasie vir die naaldwerkers:
Here, my lewe is 'n klomp los weggooi-lappies wat geen doel dien nie,
nie sin maak nie en eenvoudig nie self heel kan wees nie.
Dankie dat U my voetstoots liefhet
dat U genade die stukkies van my lewe optel
en dit dan aanmekaar werk tot 'n betekenisvolle heelwees lewe
tot 'n nuwe oorwees mens.
vir die grootsheid van U genade
ook ander toe te maak met die sagtheid van my laslappiehart
met die genade van my lappieskom-bers-liefde.
'Ons bring jou die nuutste Stilbaai, Hessequa nuus'
