STILBAAI NUUS - Stilbaai Sakekamer en Toerisme het Donderdag 8 Desember die karavaanparke in Stilbaai en Jongensfontein besoek om die werknemers vir hul toewyding en harde werk te bedank.
Rachel Wall, voorsitter van Stilbaai Sakekamer, en Annerise Wolmarans, voorsitter van Stilbaai Toerisme, het sertifikate van waardering oorhandig aan die personeel van Jongensfontein-, Stilbaai- en Preekstoel-karavaanparke om hulle dank te betoon vir die harde werk en toewyding om hierdie karavaanparke sulke gesogte bestemmings te maak.
Werknemers van die Stilbaai- en Preekstoel-karavaanparke is vir hul harde werk met sertifikate beloon. Johannes van Zyl (ondervoorsitter: Stilbaai Sakekamer), Annerise Wolmarans (voorsitter: Stilbaai Toerisme), Rachel Wall (voorsitter: Strilbaai Sakekamer), Jaylene Pietersen, Doreen Rossouw, Carla Toppies, Henry Snyman (toesighouer), Colleen Esau, Alan Saayman, Gary Scholtz, Heinrich Jansen, Marina Griesel (direkteur: korporatiewe bestuur van Hessequa-munisipaliteit) en Ricardo Pulla.
'Ons bring jou die nuutste Stilbaai, Hessequa nuus'
