HESSEQUA NUUS - Suid-Kaap Forum het senior burgers wat in tehuise in die streek woon en gedurende November verjaar, met geskenkies bederf deur middel van ons Goue Oues Projek, gerugsteun deur skenkings vanuit die gemeenskap en besighede.
Baie dankie aan BrandChem (Riversdal) vir verpakkingsakkies, Franza de Kock (Riversdal), Riversdal SuperSpar, Mariaan Ellis (Stilbaai), Ruth Rudd (Riversdal), Stilbaai Spar, Stilbaai Slaghuis en The Blinds Factory (Stilbaai) vir skenkings.
Die volgende persone was nie teenwoordig tydens die oorhandiging van die geskenk nie as gevolg van siekte of dat hul uithuisig was:
- Albertinia Versorgingsdienste: Motjie van Staden (23-11-1929).
- Huis Alrema, Stilbaai: Lil Verster (30-11-1936).
- Huis Stilbaai: Louis Voster (03-11-1934); Margaretha le Roux (13-11-1925) en Elaine du Plessis (19-11-1930).
- Huis Zenobia du Toit, Heidelberg: Elize Gunter (22-11-1931).
- Jan Lange, Riversdal: Wilna Nita Young (01-11-1941); Jo van Schalkwyk (02-11-1937); Jean Areingron (08-11-1931).
- Ou Meule, Riversdal: May Williams (20-11-1926); Hendriena Margaretha Duggan (28-11-1940); Meisie Fourie (03-11-1936).
Ons wens aan u almal 'n gesonde en gelukkige jaar toe.
• Ons doen weereens 'n beroep op ons gemeenskap vir skenkings van veral toiletware soos waslappies, gesighandoeke en babapoeier. Kouse, handskoene en serpe is meer as welkom, asook 'Cup-a-soup', blikkieskos, sagte lekkers en koekies.
Afsetpunte is by ons kantoor in Heidelbergweg 9, Riversdal of by ons posbus by Pakketmoles, Stilbaai.
Indien u van Heidelberg of Albertinia is, skakel ons by 028 713 2468 sodat ons reëlings kan tref vir die afhaal daarvan.
'Ons bring jou die nuutste Hessequa nuus'
