RIVERSDAL NUUS - Die Pluimvee Jeug Streekskou is tydens die plaaslike landbouskou verlede Vrydag aangebied.
Die jeugskou bestaan uit 'n vraestel wat dertig punte tel, praktiese voorbereiding en die kandidaat moet sy eie hoender beoordeel.
Die vrae vir die vraestel kom uit 'n goedgekeurde handleiding vir die jeug.
Vir elke ras bestaan daar 'n standaard en die kandidaat moet vrae oor sy hoenderras beantwoord wat 'n verdere twintig punte tel.
Die praktiese voorbereiding tel 15 punte.
Hier moet die kandidaat die hoender was en met 'n haardroër droogblaas. Tydens die beoordeling deur die kandidaat moet hy hardop sy bevindings aan die beoordelaar bekendmaak.
Hierdie afdeling tel 35 punte, wat dan 'n groottotaal van honderd punte gee.
Seniors (14 tot 18 jaar) - 1. Mervyn Roos, Boland Landbou, Paarl; 2. Ulrich Steyn, Hoër Landbouskool Oakdale, Riversdal; 3. Adriaan Fourie, Hoër Landbouskool Oakdale, Riversdal.
Juniors (10 tot 14 jaar) - 1. Magdel Barnard, Privaat skoling, Ladismith; 2. FD Rabie, Drosdy, Worcester;
Junior/Juniors (6 tot 10 jaar) - 1. Magdel Barnard, Privaat skoling, Ladismith.
Jeug tussen die ouderdom van 6 en 18 jaar wat belangstel, kan met Ben Hall kontak maak by benhall@vodamail.co.za, 021 863 0232 of 083 650 7366.
FD Rabie van Worcester besig om sy wit Leghorn haan te was.
'Ons bring jou die nuutste Riversdal, Hessequa nuus'
