RIVERSDAL NUUS & VIDEO - Die gebruiklike N2-verwelkomingsprojek is vandag, Donderdag 15 Desember in die dorp aangebied deur Hessequa Munisipaliteit se beskermingsdienste en toerisme afdeling, in samewerking met Interkaap, provinsiale verkeer, brandweerdienste, Working on Fire (WoF), ambulansdienste (EMS) en rampbestuur.
Die projek is jare gelede deur die voormalige verkeershoof, Piet Stroebel begin toe hy appels met 'n boodskap aan motoriste uitgedeel het.
Dit het met die jare uitgebrei en was die doel om die beeld van die verkeersdepartement te verbeter en aan motoriste te toon dat verkeersbeamptes nie net vervolg nie, maar ook op padveiligheid fokus.
Rdle Andrew Stroebel (speaker: Hessequa Raad) en Adwin Saayman (onder-burgemeester) het as verteenwoordigers van die raad opgetree. Stroebel noem dat dit belangrik is om motoriste op padveiligheid uit te wys en op 'n vriendelike manier 'n padblokkade te behartig waar bestuurderslisensies, motorlisensieskyfies en padwaardigheid van motors nagegaan word.
Rdle Andrew Stroebel (speaker: Hessequa Raad) en Adwin Saayman (onder-burgemeester) het as verteenwoordigers van die raad opgetree. Stroebel noem dat dit belangrik is om motoriste op padveiligheid uit te wys en op 'n vriendelike manier 'n padblokkade te behartig waar bestuurderslisensies, motorlisensieskyfies en padwaardigheid van motors nagegaan word.
Motoriste het 'n verwelkomingspakkie ontvang wat vrugtesap, nuttige inligtingsbrosjures oor padveiligheid en brande, noodnommers, inligting oor die streek, verwelkomingsboodskap vanaf rdl Grant Riddles (uitvoerende burgemeester), vermaak vir die kinders, plaaslike vervaardigde produkte en vele meer bevat.
Adneshel Voss (hoof: Beskermingsdienste) noem: "Wetteloosheid in ons en ander provinsies, lei daarna dat mense hul lewens verloor. Boetes sal uitgereik word in 'n poging om oortreders aan die pen te laat ry wanneer padreëls oortree word. Oortredings tydens die feesseisoen word baie ernstig opgeneem en sal roekelose en nalatige bestuurders nie geduld word nie.
Die grootste gevaar tans op die pad is bestuurders se gebruik van selfone. Die tik van 'n boodskap of Whatsapps terwyl bestuur kan lei tot lewensverlies. Plaas u en ander motoriste se veiligheid eerste en verseker te alle tye dat veiligheidsgordels vas is, veral passasiers op die agterste sitplekke."
• Indien 'n inwoner of besoeker hul in enige lewensbedreigende situasie binne die Hessequa-streek bevind soos 'n huisbrand, motorongeluk of op een afkom, moet die noodnommer 028 713 22 22 geskakel word. Dit word 24uur beman en sal die nodige nooddienste ontbied word.
Kyk 2 videos hieronder.
VIDEOS: WILMA ADAMSON & LOUISE MOUTON
FOTO'S: LOUISE MOUTON
'Ons bring jou die nuutste Hessequa nuus'
