RIVERSDAL NUUS - Die ANC het nie die afgelope naweek sy amptenare by die burgersentrum ontplooi om voornemende kiesers te werf nie. Die politieke partye DA, VF Plus en die EFF was wel daar.
Die ANC het, soos die PA, het verkies om by die Riverville-stadion en in Kwanokuthula te ontplooi.
“Ons het op deur-tot-deur-werwing gefokus,” sê die ANC-raadslid, Msindo Elias Dayimani. “Die inwoners was baie positief en hulle was bereid om die hitte te trotseer en vir die opkomende nasionale en provinsiale verkiesing te registreer.”
Benson Nqentsu, die provinsiale sekretaris van die Suid-Afrikaanse Kommunistiese Party in die Wes-Kaap, het die ANC in Kwanokuthula ondersteun.
In kleurryke Madiba-tradisie, maar informeel-koel, het dié stemwerwers aandag getrek met hul ontwerper-T-hemde, met afdrukke van onder meer ‘n ere-grafiek aan die vryheidsvegter Chris Hani en 'n uitbundige skets van president Cyril Ramaphosa.
Die stemme wat hulle verwerf het, sal die nasionale kiesersmylpaal van amper 28 miljoen voornemende kiesers stu.
‘Ons bring jou die nuutste Tuinroete, Hessequa, Karoo nuus’
