STILBAAI SAKE NUUS - Harald Scheel, 'n ervare Restaurant Bestuurder met meer as 10 jaar ondervinding het die bestuur van die restaurant oorgeneem nadat hy 'n gedeelte van die besigheid bekom het by Laetitia Kruis (eienaar).
Sy staan na 14 jaar terug weens gesondheidsredes. "Hy het voor my grootgeword en voel ek gerus om die bestuur van Lappiesbaai in sy bekwame hande te laat."
Scheel het onder andere by verskeie ATKV-oorde, asook by Fancourt in George as Funksie Koordineerder gewerk. Hy is 'n ware smulpaap en het 'n passie vir kos, mense en die restaurantbedryf. Die restaurant word tans opgeknap en word 'n liplekker winterspyskaart beplan.
Lappiesbaai Restaurant bied ook funksies aan en is goed vertroud met beplanning vir so 'n geleentheid.
Tans is daar spesiale aanbiedinge wat insluit:
- Maandag-gekheid: Koop een plaasontbyt en kry 'n basiese ontbyt gratis vir slegs R69;
- Dinsdae: Eisbein bedien met skyfies of roerbraai-groente teen R105;
- Donderdae: Kruisskyf en garnale of kalamari bedien met skyfies en slaai teen R135.
'Ons bring jou die nuutste Stilbaai, Hessequa nuus'
