RIVERSDAL NUUS - Die danser, choreograaf en afrigter Anwyn Winterbach se dansakademie (AADA) in Stilbaai het vanjaar uitstekend gevaar by die Integrated Artistic Acrobatic Association of South Africa se nasionale danskompetisie wat onlangs in Riversdal aangebied is.
Altesaam 47 van haar studente was deel van 180 dansers van sewe dansskole regoor Suid-Afrika wat aan die kompetisie deelgeneem het.
Dié dansakademie het horde pryse in uiteenlopende dansafdelings ingepalm. Die studente se gemiddelde persentasie het tussen 80% en 85% gewissel.
Hulle is beloon met 23 eerste plekke, 29 tweede plekke en 12 derde plekke.
Elkeen het 'n kans gehad om uit te blink. Die dansers het hul talent benut om betowering met atletiese vaardigheid, gimnastiese vernuf, tydsberekende dansdissipline en vernuftige, akrobatiese poetsing in tradisionele style, klassiek en modern, jazz en hip-hop te skep.
Die AADA-ensemble van Stilbaai met Tasmine Loots, Leone Loots, Amia Loots, Mila van Niekerk, Henrico Muller, Danelle Roberts, Heather-Lee Hartwell, Mienke Barnard, Anwyn Winterbach, Anske-Marì van der Linde, Marli Matthee, Annica Weyers, Kiara Gray, Tegan Brits, Corina Brits, Chanté Gray, Kiara Foley, Kaymin Winterbach, Karli von Hagen, Klara van Wyk, Milanic Gunter, Bibi Joubert, Azayiah du Plessis, Meagan Steyl, Annika Griessel en Marnie Hansen. Afwesig op die foto: Annette Matthee, Obie Cronje, Linda Muller, Gurd-lynn Rossow, Izabella de Kock, Skyler Hanekom, Emma Pretorius, Dané Cronje, Karla Brink, Leané Wright, Alana Prinsloo, Ruchelle Erasmus, Hadassah Botha, Amelie Lotterie, Tiffany Cordier, Mia van Jaarsveld, Carlene Cordier en Anke Gildenhuys.‘Ons bring jou die nuutste Tuinroete, Hessequa, Karoo nuus’
