Gallery Update
HEIDELBERG RUGBY NUUS - Heidelberg-rugbyklub het Saterdag 7 September Evergreens van Pacaltsdorp in hul tuiswedstryd in die SWDRU Premierliga met 38-30 gewen.
Hulle het rustyd met 18-14 voorgeloop.
Hulle gaan deur na die halfeindronde teen Crusaders wat Saterdag 14 September gespeel word.
Die besoekers het binne die eerste 20 minute 8-0, en na 'n verdoelde drie met 14-8 voorgeloop. Evergreens het 'n strafskop en verdoelde drie aangeteken om rustyd 18-14 voor te loop, terwyl Heibi kort na rustyd 'n verdoelde drie aangeteken het om met 21-18 die voortou te neem.
Heibi het twee verdoelde drieë bygevoeg en Evergreens het 'n drie gedruk om die telling op 35-23 te staan te bring. Die besoekers het nog 'n verdoelde drie aangeteken om die telling met enkele minute speeltyd oor na 35-30 te verander.
Enslin Naudt het nog 'n strafskop vir Heibi oorgeskop sodat hulle met 38-30 voorgeloop het en 'n tweede bonuspunt vir Evergreens verhoed het. Heibi se puntemakers was Marquit September (twee drieë), Fernholdt Buis en Marcelino Meyer (elk een drie) en Naudt (twee straf- en vier doelskoppe).
Evergreens se puntemakers was Sergio Stalmeester, Shaun Booysen en Rico Africa (elk een drie) en Leegan Moos (een drie, twee doelskoppe en twee strafskoppe).
Heibi se derde span het met 29(15)-17(5) gewen. Puntemakers was Clyde September (twee drieë), Herschelle Pieters, Carlin Wewers en Gershom van Rooyen (elk een drie) en Veandré Carelse (drie doelskoppe en een strafskop).
Evergreens se punte is deur Ashwill Isaacs (twee drieë), Indiphile Mbem (een drie) en Lorenzo Lottering (een doelskop) aangeteken. Brendon Damons, Ashwell Isaacs en Dillon Stoffels (elk een drie) en Danwin Thomas (een straf- en een doelskop). Die tuisspan se puntemakers was Brandon Smith (een drie) en Alwin Swanepoel (een drie en twee doelskoppe).
Die besoekers se tweede span het naelskraap met 22(12)-17(14) gewen. Puntemakers vir die wenners was Chadley Stride, David Claassen en Duarte Carolus (elk een drie), Chadley Stride (een drie en 'n strafskop) en C-Than Moos (twee doelskoppe). Die tuisspan se puntemakers was Carlo Williams (een drie en 'n doelskop), Rudolph Rossouw en Daylin Manho (elk een drie).
Lees 'n vorige artikel hier: Heibi speel klaar met Evergreens
'Ons bring jou die nuutste Heidelberg, Hessequa nuus'
