Iona Ditcham (77) van Edenvale se oorskot is in haar huis in Erasmusweg gevind toe ’n buurman Donderdag die Ekurhuleni-metropolisie na die perseel ontbied het. Hy wou eintlik ontslae raak van ’n plakker wat in ’n houthut op die vervalle erf nesgeskop het.
Timothy Victor, die buurman wat Donderdag die gru-vonds gedoen het, vertel die plakker het gereeld oor hul heining geloer. Die Victors het nie geweet daar het ’n vrou in die huis gewoon nie. Hy het verneem die eienaar van die huis, Ditch Ditcham, is dood.
