HESSEQUA NUUS - Denice Marais van Heidelberg het Saterdagaand 10 Desember eerste gekom in die Suid-Afrikaanse Karaoke kampioenskap in Kaapstad en met die groot prys weggestap.
Marais het 'n platekontrak van NH Recording Studio en 'n jaarlange toer saam met 'n orkes ter waarde van R50 000 gewen.
Adeline Nel Marias van Albertinia is aangewys as die kunstenaar wat die beste opgetree het, Rezaan Michaels van Riversdal as die besgekleedste kunstenaar en Piet Swanepoel van Albertinia het 'n sertifikaat ontvang vir sy deelname.
Hessequa het met die meeste bekers weggestap.
Marias gaan Suid-Afrika in 2017 verteenwoordig by die Wêreld Karaoke kampioenskap in Australië.
SAKC (South African Karaoke Championship) het die bod gekry om dié kampioenskap in 2018 in Suid-Afrika aan te bied.
Marais het geen formele opleiding in sang gehad nie en het altyd in die Sondagskool en kerk gesing.
Sy het aan Suid-Kaap Forum gesê dat sy geweldig na die nuwe uitdaging in haar lewe uitsien en sy was baie verras en opgewonde toe sy as wenner aangekondig is.
"Dit maak nie saak wat jou omstandighede is nie, hou altyd vas aan jou droom en glo dat alles ten goede sal meewerk."
Volgens Dawid September (direkteur: SAKC) sal Marias in die middel van Januarie 2017 met opnames van die CD begin en die beplanning is dat die bekendstelling daarvan einde Februarie sal geskied.
Marais se toer sal op Heidelberg gedurende Maart afskop. September glo sy gaan 'n groot sensasie wees in die sangwêreld en dat daar vir haar 'n goue toekoms voorlê.
'Ons bring jou die nuutste Hessequa nuus'
