Gallery
RIVERSDAL NUUS - Riversdal gemeenskapspolisieforum het ter ondersteuning van Riversdal Kindersorg en die ACVV maatskaplike dienste 'n Jeugdagprojek aangebied.
Twee groepe het onder toesig van Hessequa-verkeersdienste en die plaaslike polisie rommel in die strate in die omgewing van Riverville en Aloeridge opgetel.
Heerlike boereworsbroodjies en vrugtesappe is uitgedeel terwyl die nodige veilige spasie tussen die kinders gehandhaaf is.
Fotogalery: Riversdal Jeugdagprojek
Bestuurslede van die GPF het saam met buurtwaglede uit Sektor 1, 2 en 3 ter ondersteuning van die Jeugdagprojek deelgeneem en om hul toewyding tot 'n skoon en misdaadvrye dorp te beklemtoon. Van die ander rolspelers is ook op die foto.
'Ons bring jou die nuutste Riversdal, Hessequa nuus'
