RIVERSDAL NUUS - Die plaaslike polisie ontvang gereeld klagtes van skoolgaande kinders wat nie op skool is nie.
Dié kinders slenter op straat rond juis omdat hul ouers hul sonder toesig laat. Riversdal Polisie doen 'n ernstige beroep op die gemeenskap dat hulle 'n zero verdraagsaamheid gaan toon teen enige ouer wat versuim om hul pligte as ouer na te kom.
Volgens sers Edwina Heskwa (mediawoordvoerder) stipuleer Artikel 150 van wet 38/2005 dat 'n kind sorg en beskerming benodig in die volgende gevalle:
• Gedrag openbaar wat nie deur die ouer of versorger beheer kan word nie.
• Op die strate lewe, werk en bedel.
• Verslaaf is aan 'n afhanklikheidsvormde stof en sonder enige ondersteuning is om behandeling te ontvang.
• Uitgebuit of blootgestel word aan omstandighede wat die kind blootstel daaraan.
• Blootgestel word aan omstandighede wat fisiese, geestelike of maatskaplike welsyn benadeel.
• In gevaar mag wees.
• In 'n staat van fisiese of geestelik verwaarlosing is.
• Mishandel, misbruik of doelbewus verwaarloos of verneder word deur 'n ouer, versorger of persoon wat ouerlike regte en verantwoordelikhede het.
Dit is 'n kriminele oortreding as 'n kind mishandel word en kan tronkstraf aan 'n oortreder opgelê word.
'Ons bring jou die nuutste Riversdal, Hessequa nuus'
