HESSEQUA NUUS - Die Hessequa verkeersafdeling in samewerking met die Wes-Kaap provinsiale direktoraat van verkeersveiligheid, gaan gedurende Julie 'n gratis leerlinglisensie-kursus in die hele Hessequa-streek aanbied.

Die kursus word aangebied vir werkloses en skoliere van 17 jaar en ouer. Die vereistes is dat persone wat belangstel, hul name by die onderskeie munisipale kantore inhandig en moet ook in besit wees van 'n wettige identiteitsboekie (ID).

Kursusse sal onderskeidelik op die volgende datums aangebied word in die verskillende dorpe:

• 8 - 10 Julie - Albertinia, Gourits
• 15 - 17 Julie - Stilbaai, Jongensfontein en Melkhoutfontein
• 22 - 24 Julie - Riversdal
• 29 - 31 Julie - Heidelberg, Witsand en Slangrivier.

Daar sal na die kursus en die aflê van 'n toets 'n keuringsproses wees waar persone die geleentheid gegee gaan word om die amptelike leerlinglisensietoets gratis te doen. Die provinsiale regering en Hessequa munisipaliteit gaan die kostes dra.

* Vir enige navrae kontak mnr. Morné Dyason by 028 713 8000 en vra om deurgesit te word na verkeersdepartement.

'Ons bring jou die nuutste Hessequa nuus'