RIVERSDAL NUUS & VIDEO - 'n Interdistrik Jukskei toernooi waaraan al die distrikte in die Wes-Kaap deelgeneem het, het Saterdag 4 Maart op Riversdal plaasgevind.
Die spanne wat val onder die distrikte in die Wes-Kaap is Westelike Provinsie, Kaapse Wynland, Eden, asook Overberg. Niks minder nie as vier Springbokke het die dag deelgeneem, wat insluit Johan Booiens, Rudolf van Jaarsveld, Riaan van der Walt, Rochelle Schoeman, asook 'n paar oud-Springbokke.
Volgens Annatjie de Klerk (voorsitter, Wes-Kaap Jukskei) is jukskei rolstoel-vriendelik, asook spelers met ander gestremdhede, Altesaam 19 spanne het in vier afdelings deelgeneem. Waar meer as een span van 'n distrik in 'n afdeling deelgeneem het, word na hul verwys as A1, A2 ensovoorts.
A-afdeling: 1. Westelike Provinsie A3 - 47.5 punte, 2. Kaapse Wynland - 47, 3 punte. Westelike Provinsie A1 - 37.5 punte.
B-afdeling: 1. Eden - 51.5 punte, 2. Overberg - 46.5 punte, 3. Kaapse Wynland B1 - 43.5 punte.
C-afdeling: 1. Eden - 64.5 punte, 2. Kaapse Wynland - 48 punte, 3. Overberg - 38 punte.
D-afdeling: 1. Kaapse Wynland D2 - 46.5 punte, 2. Eden D1 - 44.5 punte, 3. Eden D2 - 37.5 punte.
Kyk hieronder na 'n video:
ARTIKEL, FOTO & VIDEO: ELIZE BLOM, SUID-KAAP FORUM-JOERNALIS
'Ons bring jou die nuutste Riversdal, Hessequa nuus'
