SUID-KAAP NUUS - Die Weskaap se Departement van Kultuursake en Sport (DKES) in samewerking met die Weskaapse Provinsiale Sportkonfederasie, die Eden Sportraad, Plettenbergbaai Primêr (Bitou), St Mary's Primêr (George) en Friemersheim (Groot Brak), het die Junie 21 to 24 'n bewusmakingsveldtog in die Eden-distrik gehou.
'n Olimpiese-taakspan van DKES het die drie skole besoek en 'n program aangebied om skole in te lig oor die waardes en waarde van die Olimpiese Spele met die oog op die 2016 Olimpiese Spele in Rio.
"Die program is ongelooflik goed ontvang deur die verskillende skole en dis veral die aktiwiteite en die simboliese aansteek van die Olimpiese fakkel wat die leerders gaande gehad het," het Dave van der Walt, sekretaris van die Eden Sportraad gesê.
Die bewusmakingsprogram het ingesluit:
- Die geskiedenis van die Olimpiese Spele
- Die Olimpiese waardes van uitnemendheid, vriendskap en respek
- Die simboliek van die olimpiese ringe
- Bewusmaking van maatskaplike uitdagings van vandag in skole
- Aktiwiteite wat gebaseer is op vroeëre Olimpiese items
- Die doel en aansteek van die Olimpiese vlam.
- Die Rio Olimpiese Spele begin 4 Augustus 2016.
'Ons bring you die nuutse Tuinroete, Klein Karoo, Hessequa nuus'
