Siek Stilbaai-inwoner benodig hulp

STILBAAI NUUS - Zarias Breedt, seun van bekende Stilbaaiers Frik en Elize, is ernstig siek.

Hy en sy gesin is onlangs met die hulp van plaaslike weldoeners vanaf Thailand na Suid-Afrika teruggevlieg sodat hy die nodige mediese sorg kan ontvang.

Breedt het Skleroderma opgedoen, wat verharding van die huid en interne organe veroorsaak. Volgens sy ma kan medikasie nie die verloop van die siekte stuit nie.

"Hy het as driejarige seuntjie Polimiositus gehad en is daarna met Ryno se siekte gediagnoseer en toe met Skleroderma.

Hy stap reeds 'n lang pad daarmee." Sy toestand het intussen versleg.

'n Noodtrustfonds is intussen op die been gebring om die jong gesin te help met mediese kostes.

Ferdi Myburgh Prokureurs; Standard Bank rekeningnommer: 201738848; Takkode: 006305; Verwysing: Zarias Breedt.

Die familie het intussen 'n spesiale Facebook-bladsy 'Zarias Breedt Schleroderma' geskep.

Dit is ten doel om belangstellendes op hoogte te hou van sy vordering.

Klik hier vir vorige artikels:

ARTIKEL: LOUISE MOUTON, SUID-KAAP FORUM-JOERNALIS

'Ons bring jou die nuutste Stilbaai, Hessequa nuus'